江若琳Dry爆食沙搵老外筍盤

江若琳前晚出席首映時透露早前有一段時間到敦煌拍劇，單身的她未遇到追求者，希望緣分早日降臨。而杜汶澤則指娛樂圈已沒有「盤」，着她向外覓桃花 。

江若琳、杜汶澤、吳千語及組合HotCha等前晚在港出席電影《高舉．愛》首映禮，戴上金至尊贊助七位數字鑽飾的江若琳非常耀眼，她笑言比較烏龍，故一舉一動要特別小心。問到家中有否收藏鑽飾，她說：「唔多！雖然好多女士鍾意人哋送，但我鍾意自己買。不過第時有另一半嘅話，送又唔拘嘅！（恨嫁？）唔係，愛我嘅人送就冇所謂。」早前江若琳前往敦煌拍劇，問到有否富二代追求，她笑說：「邊有？風沙就大把，食沙都飽啦！（悶？）都幾o架！依家等緊，希望緣分快啲到，唔一定係圈中人，圈外都得o架！」

杜汶澤頻頻跌鑽

同場的杜汶澤指不認識富二代朋友，未能介紹給江若琳：「佢應該係鍾意有才華嘅人，圈中邊有筍盤吖？可能外國人啱佢！」談到鑽飾，杜汶澤透露十多年前因不時醉酒，前後遺失共七位數字的鑽飾。而DJ卓韻芝《死去活來One Night Stand Again》的Talk Show分別邀得黃德斌和杜汶澤等任嘉賓。她表示垂青黃德斌的肌肉，而杜汶澤平日玩得人多，故對他絕不手軟。