樂易玲踢爆低潮期Down到喊

崔建邦（Amigo）今次「重振雄風」，多得無綫製作資源部總監樂易玲曾叫他由低做起，Amigo才可化悲憤為力量，終於爭氣反彈！昨日樂易玲坦言冇睇漏眼，並大爆Amigo低潮期跟她傾談時一度失信心且眼濕濕：「嗰時Amigo單嘢大家都唔想，佢喺低潮期的確好Down仲眼濕濕，覺得咩希望都冇，我鼓勵佢從低做起。（終於出生天？）佢喺緊密嘅訓練下，表現的確好出色，依家最重要係外間原諒佢，希望佢可以喺大家嚴厲嘅批判眼光中重新出發！」另外，「恩師」陳志雲得悉Amigo重回主持崗位，他在電話中說：「好高興佢可以留低喺無綫發展，希望佢可以有個好好嘅際遇，把握到呢個機會而發揮得好好！」