陳法拉大少奶唔怕做

將於下周出嫁的諸葛紫岐，婚禮預告會大事鋪張，被冠以「薛王妃」之名。而向來傳不和的未來「妯娌」陳法拉自言無意做「王妃」，但強調終有一日會被稱為「薛大少奶」，暗示地位比諸葛高！

諸葛紫岐（Marie）新婚在即，婚紗照陸續曝光。第二輯婚紗照以其最喜愛的「麵包超人」為題，她說：「個影樓有好多由日本訂番嚟嘅麵包超人氣球，我以為係攝影師安排，就同主席（薛嘉麟）講睇吓人哋幾有心思，點知原來係主席嘅心意，但我個人又硬頸唔會道歉，只講咗句好有心！」她又透露花車和花轎上都會有麵包超人，而姊妹及自己的手帶上也會有麵包超人的裝飾，實行以麵包超人陪嫁！而兄弟姊妹團連一對新人共十人，寓意「十全十美」！

聞「主席夫人」見暈

Marie將於下周二嫁給Neway二少薛嘉麟，正式成為「薛家二少奶」，近日被指如「王妃」出嫁的Marie，連日來都非常風騷。而與她傳不和的陳法拉昨日出席品牌開幕活動時照例被問及感受，她亦例牌以官腔口脗說：「嗰日我有工作在身，夜晚先會去飲。（係咪坐主家席？）唔清楚，佢哋安排。（如果斟茶畀你飲唔飲？）假設性嘅問題唔答。」

對於婚禮女主角Marie被稱為「薛王妃」，問到會否覺得其地位提高？法拉說：「做人唔係為地位，最緊要做好自己！（係咪廢除諸侯制度？）係，拍緊民初劇咩？（抗拒做王妃？）拍劇唔介意！（現實生活呢？）我努力工作，喺社會得到安穩位置，自己清楚就得。」提到Marie同時被稱為「主席夫人」時，她沒好氣地說：「好暈，有太多唔同稱呼。」她認為名銜並不重要，亦不在乎人家在封后封妃，笑言叫她名字「法拉」就好了，問到喜不喜歡稱呼她做「薛大少奶」呢？她說：「遲早有人會咁叫。」

另外，法拉前晚出席送別監製劉家豪及梅小青的晚宴，約十時離開的法拉與主人家擁抱告別，其後發現多部追蹤車，她笑說：「不如車埋我，反正都係去同一個地方，起碼唔使錢。」