「劉梅」離巢 唔帶人走
曾與「上海仔」做街坊的無綫金牌監製梅小青，下月與劉家豪正式過檔now，前晚無綫行政主席梁乃鵬設宴歡送二人，四大花旦楊怡、鍾嘉欣、陳法拉及徐子珊獲「劉梅」欽點出席。「劉梅」強調不會撬走娘家的藝員：「冇TVB就冇我哋，依家只係大個仔出去闖吓！（後悔離巢？）唔會！」梁乃鵬則說：「如果出面環境唔好，TVB嘅大門隨時為佢哋而開！（擔心佢哋拉人走？）保證唔會！」更揚言不排除與二人作跨電視台合作。歡送宴上，與「劉梅」共事多年的高層梁家樹及樂易玲亦是座上客，獨欠有傳不和的曾勵珍，小青昨日接受電話訪問時說：「成個製作部咁大，好多人要慶祝，我會分別同佢哋食飯！」嘉欣則感謝「劉梅」打造不少經典角色。
鍾嘉欣（左）及楊怡均不捨「劉梅」離巢，相當無奈！
樂易玲（左起）、劉家豪、梁乃鵬及梅小青一場賓主，自然大把嘢傾。