張慧雯自詡最啱演醫生
2010年華姐季軍張慧雯（Candy）因選美而踏入娛樂圈，苦拚了2年後，首套劇終於出街，與謝卓言（Kyle）在《On Call 36小時》一同飾演實習醫生！二人表示獲益良多，最開心是可跟一大班年輕人一同拍劇，更成為了好友！Candy大讚醫生角色非常適合她：「我以前係救生員，對於救人嘅心理狀態同程序都比較明白，而救唔到人要面對家屬嗰陣嘅心情都好理解！」Kyle最難忘就是與「嫲嫲」羅蘭演對手戲：「羅蘭姐做戲真係好出色！佢令我好入戲，尤其拍喊戲嗰陣，令我好自然咁喊咗出嚟！我收工之後有時仲會載佢返屋企，搞到我真正嘅婆婆呷醋！」
Candy從小的志願是當漫畫家，而Kyle則想做超人！