巴西人周街咀陳豪偷師
無綫小生陳豪早前為新一輯《品味咖啡》到巴西、牙買加及越南等地拍攝，帶觀眾深入了解咖啡。飛往巴西的航程長達33小時，陳豪笑謂相當難捱，但到埗後即感受到巴西人的熱情，令他大開眼界：「巴西人仲好浪漫，無論你去到邊都可以見到有人Kiss！」問到會否帶女友陳茵媺到巴西浪漫一番？他笑說：「都想o架！其實我都OK甜蜜，今次都偷到師，好羨慕巴西人嗰種浪漫纏綿！」屬咖啡迷的陳豪希望兩年內在香港開設咖啡店：「首選係港島區，舖面唔會好大，開咖啡店賺得幾多錢吖？都係為咗完成自己心願。當然都想做咖啡品牌啦！但要睇時機。」
