鄧芷茵吳彤高山症 頭痛「肉」裂

創作歌手吳彤及鄧芷茵早前遠赴秘魯拍旅遊特輯，由於當地屬沙漠氣候，一天中能有齊四季的氣候變化，他倆除要應付變幻的天氣外，更曾患高山症，要飲當地祖傳秘方古柯葉茶才能紓緩！

歌手吳彤及鄧芷茵（June）早前孖住去秘魯3個星期，為無綫生活台拍攝旅遊特輯《印加古國秘魯行》，由於當地屬沙漠氣候，一天中可以體驗四季不同的天氣，他們出發前已得悉會去高山地方，甫抵達後行動小心翼翼，笑言慢得像在太空漫步，以防高山症。

講對白氣喘

雖然他倆已相當小心，怎料亦難逃一「痛」，June說：「後來有當地人拉住我哋跳民族舞就即刻出事！我哋嗰晚都有高山症，個頭好痛，好似啲肉裂開咁，後來飲咗當地祖傳秘方嘅古柯葉茶先冇事！」他們又參觀了全世界最高的湖，名為「的的確確湖」，該湖約海拔4,000多米，June抵達後氣喘得很厲害，還要面對鏡頭講對白，可說是難上加難！

對吳彤來說，印象最深刻的是玩滑翔機，他由懸崖跳下去，享受「飛」的感覺：「不過唔知係咪佢哋綁得唔夠好，我落地嘅時候發覺隻手損晒，全身都好痛！」另外，他們又去了沙漠玩滑沙，由約3、4層樓的高度向下滑，十分刺激！