陳僖儀靠勇發Sing

貌似陳慧珊及溫碧霞的樂壇新人陳僖儀，傳是「金牌經理人」黃柏高（Paco）的世姪女兼富二代，但她強調入行全靠「勇」字！

關心妍師妹陳僖儀（Sita）雖然本月才出碟，但去年已宣布入行的她，早在年初舉行的《十大勁歌金曲頒獎禮》中已勇奪「新人薦場飆星獎」及「雪碧榜」新人獎等，有傳她星途一片燦爛，全因她生於大富之家，且Uncle正是唱片公司顧問Paco！

對於種種傳言，Sita多番強調Paco只是朋友的朋友，第一次見面全是無心插柳，事緣朋友帶她出席飯局時，剛巧Paco也在場：「我同Paco話我好鍾意唱歌，之後佢叫我去唱K畀佢聽，嗰晚之後，我不停Send歌畀佢聽，最後簽約做歌手！（家底？）爸爸經營貿易公司，不過個市好淡！（住邊區？）尖沙咀，我讀大學時修讀公關課程。（靠關係入行？）唔係囉！其實我都有付出過努力！」

「我想一炮而紅」

對於獲Paco點名力捧，Sita覺得壓力來自自己：「我都想一炮而紅！未落實簽Paco前，我都向各大唱片公司敲門自薦，其實我都幾大膽！我諗Paco肯簽我，係畀我嘅誠意打動囉！」談到貌似即將復出拍劇的陳慧珊，她說：「都有唔少人咁講，亦有人話我似鍾嘉欣同溫碧霞，不過我唔覺得似囉！」