雯女晒靚膊搵真銀
兩屆視后鄧萃雯（雯女）日前以露肩Look拍攝染髮用品廣告，未埋位時着工作人員開暖爐，又自備暖包及着羽絨保暖：「拍廣告最緊要靚！我好少做啲有女人味嘅角色，但又冇乜時間剪頭髮，所以留到好長。心想留到咁長，如果可以拍頭髮用品廣告就好，點知真係畀我等到！（酬勞如何？）滿意！」
忙拍《金枝慾孽（貳）》的雯女，對初次與蔡少芬及伍詠薇合作感興奮，亦不介意化妝時間較長。對於王維基的城巿電訊明撼無綫，她雖強調不考慮簽約無綫壯聲勢，但仍替娘家同事打氣：「咁樣反而更有團體精神，激發我哋要有心有力咁做好套劇，打好呢場仗！」
鄧萃雯露出香肩，散發女人味。
雯女細心睇Playback，研究拍攝效果。