諸葛紫岐樂封薛王妃

向有公主之稱的諸葛紫岐（Marie），昨日出席婚前最後一個活動時，被尊稱為「薛王妃」，她非常受落，但迴避叫未來妯娌陳法拉做大嫂，更不知道婚宴當晚法拉會否坐主家席！

將於本月20日與Neway二少薛嘉麟結婚的Marie，昨日與日模松岡李那及小水彩出席婚前最後一個活動，更獲大會尊稱為「薛王妃」，她對此相當受落：「都幾好喎！但20號先啦！」並透露結婚前一晚會跟足傳統，不會跟未來老公同睡。

問到平日如何稱呼未來妯娌陳法拉？Marie說：「直接叫法拉。（會唔會接受斟茶畀佢？）屋企人叫我點做就點做，最緊要大家開心，做好本分。（佢話準備咗禮物畀你？）係咩？送乜都好，心意啫！」並強調雙方關係一向OK。至於婚後會否改叫對方做大嫂？Marie則避而不談，還轉話題讚未來老公的婚照影得好靚仔。雖然婚禮上老公不會有任何才藝表演，但她笑指老公懂賺錢已是最大的才能，亦不知道法拉當晚會否坐主家席。

松岡李那未忘舊愛

松岡李那得知Marie快將結婚，即送上恭喜，剛甩拖的她亦希望盡快找個好男人，但未能放低與舊愛的一段情。松岡亦知道日本剛發生地震，她覺得日本人很堅強，故不太擔心他們，但也有傳短訊問候當地的朋友。