Lynn禁室透視 齋益男友

名模熊黛林昨日與Alice B.出席時裝活動，對於Alice B.真空透點搶鏡，她表示不會性感示眾，只願「閂埋門」性感供男友欣賞。

名模熊黛林（Lynn）昨日出席ANTEPRIMA時裝活動，同場還有「第四代Canon甜心」Alice B.、台模白歆惠及名模姚予晴等行騷。Lynn笑言喜歡穿透視裝，但很難像Alice B.般「勇猛」，問到是否介意透點行騷？她說：「透Bra就OK！初入行試過，睇到晒，嗰時冇Job，為生活冇得揀。」至於會否穿透視裝冧男友？她尷尬地說：「閂埋門嘅嘢唔講得。（以前男友送性感衫？）收過。（着畀佢睇？）敷衍吓都要嘅，唔會誇張，唔係羽毛嗰啲，自己有底線。」

至於Alice B.真空上陣透點行騷，成功搶鏡，但她表示並非刻意性感：「想Pro（專業）啲，試過黐乳貼，但唔Match，感覺好笨拙，預咗畀人影。」Alice稱早前患病消瘦八磅，更不介意被笑平胸：「好多外國Model係平胸，安全感大啲。」

白歆惠祝福舊愛

而白歆惠早前在微博上載「非誠勿擾」，問到是否多人追求？她表示還沒有，非常享受單身生活。問到知否前男友毛加恩有新女友？她坦言會祝福對方：「有人照顧好好，想佢開心、幸福，我一個可照顧自己。（想人照顧？）當然想，大家快廣發英雄帖！」她更撒嬌埋怨記者：「再提我的事，沒人追求我了。」