祖兒幫Kay做媒 搭條皇金路

容祖兒前晚出席活動時被問到謝安琪近期備受解約傳聞困擾，她即大方表示願意為對方幫手搭路，拉攏加盟英皇，更坦言不擔心受對方威脅！

樂壇天后容祖兒與謝安琪（Kay）一直未有合作，但其實祖兒對Kay甚為欣賞，更有意向公司英皇引薦加盟！前晚，祖兒盛裝出席《全新保時捷911新車揭幕儀式及派對》，對於近日飽受解約傳聞的謝安琪（Kay）再傳以400萬元向唱片公司「贖身」，祖兒表示不清楚對方去向，但仍祝福她有好的發展。

望有日合作

不過，惺惺相惜的祖兒被問到會否幫手「招攬」加盟英皇？她大方地說：「好o架！如果公司有興趣簽啲唱得嘅人。（驚佢威脅你？）你哋都好矛盾！當然我係唔驚先招攬佢，我對唱得之人好欣賞，佢啱啱出道嗰陣，已經覺得佢把聲好靚。如果佢真係入嚟我公司，我都可以幫佢搭路！」至於會否做主動？祖兒則說：「除非兩邊是但一方有興趣，否則唔會做呢啲『雞仔媒人』。」對於祖兒願意搭路，Kay回應說：「做歌手最希望係有好好空間，做自己滿意嘅音樂。如果可以無界限自由合作，當然希望樂壇有呢一日。」

自爆畀人撩

活動上，即席獻唱三首的祖兒自言擁有三部座駕，已足夠日常所需：「平時做嘢好多時都坐保母車，但規定自己間中要揸車，以防生疏。（飛車？）好安全！飲完酒都唔揸車。」她又表示駕駛途中試過被隔籬車的司機喪撩：「我會揸得好慢，激死佢，因為唔鍾意呢啲挑釁行為。」祖兒又指車窗顏色並非茶色，故別人一眼便看到她，試過被一家幾口拍打車窗玻璃。問到會否再買車？她說：「養車好貴，同供樓差唔多。（收過靚車？）冇呀！老闆（楊受成）送過車牌。」提及前日是白色情人節，祖兒表示不知情，又慨嘆現時沒有男友，感情生活未有着落。