組合HotCha、師妹陳僖儀（圖中）及許廷鏗昨日一同出席活動，宣揚職業安全的訊息。問到是否已收到老闆薛嘉麟及準老闆娘諸葛紫岐的喜帖時，她們齊說：「收到喇！張帖好靚，依家仲諗緊買咩結婚禮物畀佢哋，想搵有心思同特別啲嘅！」另外，同場的許廷鏗表示剛參加交流團返港：「去咗瑞士三星期，但最後幾日病咗！（有艷遇？）我都想但冇。（接受異地戀？）我Buy香港人多啲！」
