Rainbow旺角阻街被爆粗問候

o靚模胡心諾（Rainbow）、謝芷蕙（Cammi）及何綽菲（Alina）昨日以一身唐朝宮廷服，在旺角鬧市宣傳有線節目《唐宮美人天下》。因正值下雨天，活動移師到行人路旁「有瓦遮頭」的地方，期間一名路過的阿伯更爆粗大罵：「阻X住晒啲地方！」但Rainbow表示聽不到：「我淨係聽到行過啲人話OK喎，掂喎！」對於即將來臨的寫真戰，她說：「我想素顏示人同公開扮靚秘技。（文筆OK？）我讀書嗰陣，中文科都算係最好成績。」

Alina則自言已試過半裸，故今次想考慮全裸：「唔怕貨比貨，我係好嘢嚟！」對於張學潤（Nel Nel）早前所扮的女鬼被指與她相似，Cammi說：「兩個Mix埋一齊都覺得似。（Nel Nel嘅女鬼造型靚唔靚？）見仁見智，我覺得都幾似女鬼。」

Cammi（右起）、Rainbow和Alina冒雨到旺角宣傳。