黃宗澤拒送外賣催杏兒返歸

胡杏兒正在蘇州拍劇，男友黃宗澤今個白色情人節沒有機會雙雙慶祝，昨日他出席活動時只好借助與女模「合交杯」，來幻想是與杏兒共度佳節，但他笑言不會為杏兒「送外賣」來慰寂寥。

黃宗澤（Bosco）昨日出席商場的《白色情人節》活動，他與胡杏兒的戀情即被擺上枱，Bosco除了獲炮製杏仁茶外，更獲贈一個「黃胡」咕，令他不禁面露尷尬之色！大會安排一名長髮女模與他「合交杯」，好等他可幻想為杏兒，隔空感受一下親愛感覺，現場十多名Fans捧場，令被玩的他稍感安慰。

女友輕鬆袋幾百萬

近期杏兒正在蘇州拍劇，問到是否要孤伶伶過白色情人節？Bosco笑說：「有人喺內地拍緊嘢，我都唔會送外賣嘅！（杏兒辛苦？）聽講佢好『他條』，不過佢都有詐型話我唔去探班。（點氹番佢？）叫佢快啲返嚟！」他又大爆杏兒身價水漲船高：「我同佢講，我哋唔見一排，佢賺幾百萬返嚟仲想點，佢都話『又係喎！』另外，有指許冠傑有意找陳豪及黃德斌等在其下月個唱中獻唱《年少無知》一曲，Bosco說：「真係幾羨慕、幾正，我都知首歌好Hit，我冇睇電視都識唱！（你登台唱？）都可以諗吓。」他又透露有意於今年出唱片：「鄧智偉（無綫音樂總監）交咗兩首歌畀我，但佢又搞緊自己演唱會啲嘢，所以仲未得閒錄呀！」