陳豪有Say：過去留好回憶
05年拍《心花放》後，陳豪與廖碧兒開始了六年「緋聞情侶」關係，外間早已視之為一對，二人亦常以「情侶檔」出騷吸金。直至去年，碧兒臥病在院，面對陳茵媺的出現，及後陳豪單方面的「分手宣言」，令她震驚又無奈。
當日陳豪有如此處理態度，問他其實是怎樣看碧兒這位「前女友」？他火速落閘不願多談：「唔會回應任何嘢，不如將過去嘅一切，留作一個好嘅回憶啦！」
提茵媺北上保暖
現與陳茵媺打得火熱的陳豪，對女友更是呵護備至。前晚陳茵媺與黎耀祥、黃浩然等出席劇集《大太監》飯局時，對於日內將往橫店拍攝，首次北上拍劇的陳茵媺興奮又緊張，亦有向男友陳豪取經：「佢提我最重要保暖，因為當地天氣凍，我準備咗暖包同買褸。（叫你唔好出夜街？）只會同自己人玩！」而同場的黎耀祥對於楊思琦未婚生女，認為不是新鮮事：「相信呢個年代會接受。」米雪則大讚劇本精警，一個字也不捨得改動。
據知，04年陳豪到澳洲拍外景時巧遇廖碧兒，翌年二人拍劇即「撻着」。（資料圖片）
陳茵媺（中）與好戲之人黎耀祥（左）及米雪合作，獲益良多。