娜姐裸條毛巾畀你抹身

距離寫真戰尚有4個月，寫真女王周秀娜將重出江湖！據知，娜姐計劃暑假推出全裸毛巾寫真，實行伴隨宅男同浴，比攬枕意識更大膽！

周秀娜蟄伏一年沒有出寫真，據知這位寫真女王已蠢蠢欲動，打算今年重出江湖，勢要重奪寫真女王寶座。據知，娜姐繼攬枕後，今年再獻新猷，計劃推出毛巾寫真，毛巾濕水後會像魔術般透出娜姐全裸胴體。據知，娜姐正考慮到斐濟取景拍攝。

Jeana出奇蛋迎戰

記者致電娜姐，問是否今年再出寫真？她說：「點止寫真咁簡單，總之會令大家驚喜啦！」她同時承認有推出魔術毛巾的打算：「呢個係計劃之一，希望同大家有貼身接觸嘛！如果真係出，第一個會送畀林書豪（J.Lin）！」不過，她卻不肯透露會否全裸上陣，只表示一切以美感為主。問到會否在港搞Fans見面會？她說：「今年喺內地都搞過幾次見面會，一月嗰陣同何佩瑜（Jeana）、余曉彤喺廣州都搞過，反應好好，所以我都諗住喺香港搞，因為好耐冇同香港Fans見面喇！」

而娜姐死敵「不倒胸」Jeana亦計劃狙擊師姐，考慮推出糖果寫真。據知，她打算隨寫真附送「Jeana出奇蛋」，內有糖果及玩具，有得食兼有得玩。記者致電Jeana，她說：「都係考慮緊囉！我覺得出奇蛋幾特別，一次過滿足三個願望喎！」對於娜姐推出毛巾寫真，Jeana藐爆說：「抹毛巾咁惡心，佢冇第二啲嘢諗喇？畀我都唔要囉！不過我都想睇佢有乜新意思，始終佢有一年冇出書喇！」