謝安琪畀膽張家輝虐殺

張家輝在新片《大追捕》內「辣手催花」，用膠袋笠頭虐殺拍檔謝安琪（Kay）！談到拍攝過程，兩人猶有餘悸，家輝說：「唔忍心太用力，擔心整親佢，不過如果唔夠逼真，又驚NG佢仲辛苦。」反而Kay則想效果理想，竟然「唔識死」叫家輝出盡力！

今次拍動作場面，Kay不時擦傷手腳及背部，令囝囝擔心：「佢問我做乜，我話拍戲！依家出門口，佢會問我返工唱歌定拍戲！」能與七奪影帝的家輝合作，Kay不時在片場偷師，還突然變喊包：「有場戲講家輝遇見舊情人Janice Man，我坐喺鏡頭後睇到忍唔住喊。」而家輝則挑戰自己，減至110多磅投入角色，他笑指自當年警校畢業後，未試過如此體形：「我由灣仔跑去薄扶林，用咗145分鐘，路過嘅人都以為自己眼花！」

張家輝拍攝虐殺場面，用膠袋笠住謝安琪個頭。