李思捷摸Pat道歉 岑潔儀鬧敗類
李思捷被指在夜店向台灣歌手陶喆前緋聞女友岑潔儀，以及落選港姐曾愛媚有身體接觸！昨日李思捷在電視城指上一次見岑潔儀已是四年前拍劇：「當時情況我唔記得，斷晒片！我覺得冇做過！如果真係有做過，真係Very Very Sorry！當時應該即刻指住我嚟鬧！（女友王宝宝訓示？）我自己同自己交代。」而身旁的無綫製作資源部總監樂易玲說：「男、女都應該避免去夜店，如果佢（岑潔儀）咁多年都放喺心，可以同我傾吓釋懷，我會打畀佢了解吓！」至於岑潔儀則指被李思捷摸臀部：「唔知佢真醉定假醉，佢行去曾愛媚度，跟住走嚟我度摸我，斯文敗類。佢有同曾愛媚Say Sorry，但冇同我講，好唔尊重我。」
被問到與岑潔儀有否身體接觸時，李思捷翹晒手說：「唔記得！」並作出道歉。