霆鋒「全家」之旅 栢芝三母子冇份

謝霆鋒和張栢芝近日屢傳復合，霆鋒更被發現在栢芝的億萬新居過夜！昨日霆鋒以CEO身份豪擲2百多萬，請旗下逾百員工、家人及好友「總動員」出發，到馬來西亞小島「疏肝」歎世界，求復合的栢芝只得乖乖返港湊仔，不敢跟隨。

霆鋒任老闆的製作公司「PO朝霆」成立8年勁賺6億，疏爽的他趁放假3個月，決定獎勵過百員工，包下馬來西亞的沙貝島，享受4日3夜的陽光與海灘假期。「百萬疏肝團」昨日出發，老闆霆鋒接老竇謝賢（四哥）及妹妹謝婷婷現身機場，媽咪拉姑則與男友鬍鬚Kong、婷婷男友安志杰加上劉浩龍、鄭希怡和其化妝師男友Andy，以及逾百員工先後抵達機場集合。拉姑坦言開心得未天光已醒，心情似小學生去旅行，四哥則笑言不愛曬太陽，要攬住阿女婷婷曬月光。而問到安志杰會否乘機求婚，在旁的婷婷即緊張地拉走男友。

穿白色風褸配牛仔褲的霆鋒精神煥發，問到他近日進出栢芝的新居世紀大廈是否復合同居？霆鋒說：「搬咗屋都要睇啲仔係邊o架！要知兩個人嘅情況，呢啲係我本分！（同居？）我答咗唔係嘞，你哋鍾意點寫就點寫啦！（本身農曆新年出發，改到2月尾係避開栢芝？）其實係因為有16個客人咁啱訂咗嗰個島，但我想成個島都係自己嘅人，咁啱月頭公司又有個大Project，所以先改到依家去。（賺錢先？）係！今次包島包飛機，當地租20幾架車，玩一玩就使咗2百幾萬！」

栢芝撲返港湊仔

問到忙於在內地宣傳新片的栢芝會否返港接手照顧兒子Lucas和Quintus？霆鋒說：「嗯，好正常。之前佢喺內地，我咪經常去睇兩個仔，煮早餐畀佢哋食。」問到栢芝會否抱兩子飛到小島找他？霆鋒堅決地說：「唔會啦！」然而一直努力求復合的栢芝，眼見此行霆鋒豪請家人和員工去旅行，但都不敢跟隨，反而聽話飛撲返港湊仔，讓霆鋒安心去玩。另一方面，安志杰的母親是昔日著名台灣歌手、有「美腿歌后」之稱的金燕，雖然兒子和婷婷已認定對方為終生對象，不過金燕則說：「我兒子還像小孩，太早結婚，像謝霆鋒、張栢芝這樣又離婚有甚麼意思？」她續說十分喜歡婷婷，但兩人不用急着結婚。