蔡卓妍（阿Sa）繼續在事業上搏殺，其前夫鄭中基（Ronald）則於去年與前主播余思敏結婚生B，享受家庭樂。日前Ronald一家三口往淺水灣寓所附近行超巿，不用開工的Ronald，當日負責孭起現時約7個月大的B女Emma，陪老婆揀完奶粉又揀尿片，他不時主動畀意見，並與老婆有傾有講，三人同行相當溫馨！至於B女則長得肥嘟嘟，精精靈靈相當可愛，難怪氹得Ronald相當開心，早前更揚言要追多個BB，好讓Emma盡快做姊姊！
鄭中基與余思敏有傾有講，研究邊種貨物最抵？
鄭中基孭起B女，突然搖身一變Family Man。
