歐錦棠寫劇悼念愛貓
歐錦棠與太太萬斯敏養了貓咪Murphy及Innika十多年，一家四口非常溫馨。混種波斯貓Murphy是二人拍拖之初便收養，兩年前因年老仙遊，阿棠將與牠相處的感覺編成舞台劇《想變成人的貓》，並計劃於4月中上演，他說：「Murphy性格好人性，表面好Cool，但好有思想，用佢嘅性格寫個故事當係紀念。」
至於16歲的英國藍貓女Innika，因性格主動及黐身而成為兩夫婦的心肝寶貝，早前更獲為英國皇室影專輯的Venture Studio贊助影貓專輯，斯敏說：「阿棠話Innika冇腦諗嘢，但佢好黐人，我返屋企乜都唔理，就要抱住佢傾吓先得，我哋去旅行時，佢會好Down！」但先行一步的Murphy卻令阿棠憶貓成狂，他說：「Murphy會喺門口等我哋放工，好乖！」