金剛蔡慧欣羅仲謙「嬲」住合照

無綫節目《五覺大戰》錄影現場發生緋聞五角混戰，除有最近傳出緋聞的金剛與「神獸天使」蔡慧欣同場外，還有蔡的過氣緋聞男友羅仲謙、羅的過氣緋聞女友周秀娜，以及金剛過氣緋聞女友張嘉兒路過「贈興」，認真熱鬧！

羅仲謙、周秀娜及江若琳等前晚錄影無綫節目《五覺大戰》，雖然眾人難得現身電視城，但風頭卻被新鮮出爐的緋聞男女金剛及「神獸天使」蔡慧欣搶去。二人合照時表現曖昧兼尷尬，問到金剛是否在追求蔡慧欣時，他扮傻說：「有咁嘅事？」之後才有所指：「佢係好可愛，我又單身，識朋友冇問題！」又力撐女方性感得有道理：「幾好吖，28點收視喎！」

金剛亦不介意女方曾與羅仲謙傳緋聞：「楊怡知唔知？大家係朋友，我唔覺尷尬。」他表示暫時以工作為先，感情事順其自然：「同前女友就係發展太快，唔磨合。」對於被指爛滾及喪鬧前女友，金剛無奈地說：「我係鬧前女友個朋友，我分手都有風度。（報道話你條條女都啱？）當日我答『我唔係條條女都啱』，報道就冇咗『唔係』兩個字。」對於與金剛傳緋聞，蔡慧欣非常扭擰：「都未相處！」問到是否向金剛派檸檬時，她卻緊張否認：「唔係，唔知呀！唔係識咗好耐，答唔到。」她指不會以報道評論金剛為人，坦言「做住朋友先」，擺明開綠燈。

娜姐心酸檢討

另一焦點是蔡過氣緋聞男友羅仲謙及羅過氣緋聞女友周秀娜亦同場，而金剛過氣緋聞女友張嘉兒路過拍攝現場，令《五覺大戰》變成「五角混戰」！羅仲謙除湊熱鬧與兩位主角合照外，還口痕祝金剛心想事成！即使與性感女郎開工亦無需向緋聞女友楊怡備案。周秀娜則抵死地說：「頭先問佢（金剛）係咪我唔啱你，合作過都冇傳緋聞，我要檢討吓。」