諸葛紫岐讚準老公身形Fit
即將結婚的名模諸葛紫岐（Marie）與未來老公薛嘉麟拖手出席籌款晚宴，薛嘉麟清減不少，他坦言為結婚而瘦身：「做運動減肥，唔係地獄式，係健康式。」問到會否再減？Marie即搶答：「依家幾好，最緊要健康。」Marie透露已拍了婚紗照，問到佳期將至，有否因此失眠？薛嘉麟笑說：「冇呀！咁開心，開心反而瞓得好啲！」
此外，郭秀雲兒子龐錢景峰則大晒女友在英國為他購買的四張Lady GaGa香港演唱會門票：「呢四張飛係畀我同屋企人睇，女友復活節會返香港，到時我屋企人一定會攬住佢嚟錫。（點報答女友﹖）請佢食飯，佢唔重物質o架！」講到前女友模Mia的新緋聞，他大爆Mia的男友另有其人。
Amanda S.小鳥依人，攬實老公。
馬詩慧與王敏德夫婦出席籌款晚宴，為慈善出力。
諸葛紫岐與薛嘉麟拖手出席籌款晚宴，Sweet到爆。
龐錢景峰與母親郭秀雲到場，企定定任影。