甄子丹頹爆嚇壞囝囝

「宇宙最強」甄子丹昨晚與太太汪詩詩出席籌款晚宴，向來打扮「四正」的子丹竟以鬚根Look示人，他透露為拍新戲而紋身、曬黑及留鬚，嚇得囝囝叫他壞人。

甄子丹偕太太汪詩詩、歌手李玟與老公Bruce、周汶錡及廖碧兒等出席癌症基金會慈善餐舞會，現場所見子丹曬黑不少，還有鬚根，甚為憔悴，問到是否沒覺好瞓？他說：「瞓得好少，呢排每日都係得兩個鐘瞓覺。我依家喺深圳拍緊一套時裝嘅警匪片，曬黑同留鬚之外，仲要紋身。」因子丹突然改變形象，嚇得囝囝不敢埋身，並指他是壞人，認真搞笑。問到囝囝會否認不出他時，子丹笑說：「今日已經好啲，剃咗啲鬍鬚。」詩詩稱最近囝囝才看到子丹主演的《葉問》，並為爸爸驕傲，至於會否讓兒子繼承衣鉢，子丹坦言要看兒子的發展，但已為囝囝報名學功夫。

李玟買到GaGa個唱飛

另外，李玟以低胸裙上陣，她表示已買了Lady GaGa的香港演唱會門票，若屆時無法抽空欣賞便惟有轉贈他人。對於另一重量級歌手雲妮侯斯頓（Whitney Houston）逝世，李玟坦言很不開心：「佢對我影響好大，我當年參加新秀，都係唱佢嘅歌。」她又自爆早前在美國錄音室跟盲人歌手史提夫溫達一同收看NBA，見到華人球星林書豪的精湛球技，令她大感驕傲。