無綫藝員梁麗瑩昨日在微博透露被男子夜闖村屋寓所地面露台，幸愛犬狂吠發現，警察到場帶走一名18歲男子。昨日她說：「錄口供搞咗成晚，街坊話廿日前見過呢個男仔擒入我露台，佢外表斯文，我攔住佢都問唔到啲乜嘢，佢話跌咗嘢喺我露台，我懷疑佢偷內衣褲！擔心佢衝住我而嚟，出入要小心同要搵屋搬！（住大廈安全啲？）媽媽有抑鬱症，想住村屋。」另外，家有五隻藏獒的黃貫中昨晚在微博表示發現有可疑人士在寓所出現，門前已加上「內有惡犬」，他擔心有人不理警告冒險入內，這就等同自殺！
梁麗瑩遭男子闖入寓所露台。（資料圖片）
