黃家強再做爸爸添7磅金叵羅

娛圈最近喜事重重,黃家強與樂隊Mr.成員杜志烜(Tom)等相繼抱B,家強與日籍太太Makiko於本月17日再添一子,昨日家強帶同大仔黃慶陽到醫院探望。家強透露BB重7磅多,問到改名問題,他即故弄玄虛說:「唔話你知。」

至於本月16日與模老婆何思諺(Leanne)升呢做父母的Tom,昨日抱緊「杜杜」出院,一家三口晒溫情。陣痛十多小時的Leanne透露,最後按醫生建議剖腹,暫時未為BB改名,提到Tom的舊愛Evelyn表示將送禮予BB,Tom說:「呢個唔知,多謝佢。」

黃家強帶同大仔黃慶陽到醫院,探望剛分娩的老婆。

Tom抱實囝囝,接老婆Leanne出院。