蔡加讚帶汪圓圓撐媽咪場
玩具大王蔡志明孻仔蔡加讚與女友汪圓圓，前晚拍拖出席保良局李雲迪學童慈善交流演奏會，圓圓的父母亦有同行，加讚的母親蔡李惠莉、家姐蔡加敏與丈夫馬鴻銘及囡囡馬靄翹也在場，圓圓說：「自己都有彈鋼琴，所以想嚟聽吓，同埋嚟支持吓Auntie（蔡太係當晚活動搞手之一）。」加讚經常帶同圓圓參與家庭活動，將女友融入家庭生活中，看來早已將女友視為一家人。
問到兩家人是否很Friend？圓圓說：「我爹哋媽咪都好Active，大家搞活動會互相支持，相處得幾好。」加讚指父母沒有催婚，提到今年是好年，他說：「唔知點答喎！女朋友喺隔籬，但呢啲爹哋媽咪都由我自己諗，結婚講感覺，我哋拍拖係認真一齊，暫時未諗結婚住，專注工作先。」圓圓亦表示要順其自然。
蔡加讚拖實女友汪圓圓出席演奏會。