糖兄妹變唐夫婦：希望唐太唔好喊

唐英年的僭建風波愈鬧愈大，網民連日來在電影海報、廣告、唱片封套及劇集等改圖惡搞揶揄唐英年。黃山怡（糖妹）表示唐英年應奉公守法，「寸嘴模」何佩瑜則寸爆唐英年可在地牢夜蒲！

特首候選人唐英年日前現身交代僭建地下王宮一事，卻辯稱僭建是太太的主意，令全城嘩然，更惹來大批網民改圖惡搞寸爆唐英年！唱作組合糖兄妹專輯《我最愛糖兄妹》封套，也被網民惡搞為「我最愛唐夫婦」，糖兄變成唐英年，糖妹則「化身」唐太，抵死啜核！糖妹受訪時笑說：「好抵死！Key到好似露芙（新城DJ），但Key得好靚，我係『萬能Key』，呢個惡搞都OK。」她表示唐英年應奉公守法，不要講一套做一套，又大讚唐太是好女人：「希望佢唔好喊，佢冇辦法唔撐老公，佢都好麻木，呢啲係愛嘅表現，我都希望自己將來嫁一個有腰骨同有膊頭嘅好老公。」

千千《唸你》被惡搞

而「寸嘴模」何佩瑜（Jeana）有份主演的《喜愛夜蒲》，亦遭惡搞成「喜愛地爐（編按：地牢）」，Jeana更在微博發揮寸嘴本色：「何時邀請大家『地爐』夜蒲？」事後她說：「聽聞《喜》片會開拍第二集，大家搵景點簡單得多，地牢係唔錯選擇，唐生地牢有酒窖，直接喺地牢夜蒲，唔使咁辛苦囉！」

此外，網民繼續發功惡搞，將不少電影海報及廣告大改特改，連劉子千的經典歌《唸你》歌詞，網民也改為「我的圖則裡沒有僭建」，相當應景！

靚靚戥唐太可憐

另外，袁詠儀（靚靚）昨日出席活動時坦言不懂政治：「如果問我，我戥個女士（意指唐太）少少可憐，我只可以講一句，佢好勁同偉大，我老公（張智霖）知我有委屈會安慰我，有嘢搞唔掂會幫我搞掂！（叫佢選特首？）咁又唔得，我老公喪嘅！」她稱家中沒有僭建，又認為唐英年在事發後的危機意識及處理手法令人不舒服：「希望政府立例立得清楚啲。」