無懼谷爆傷口任賢齊開騷跳住唱
任賢齊一連兩場紅館演唱會前晚開鑼，女友Tina與一對寶貝仔女，以及徐小鳳、關之琳和梁錦松與太太伏明霞等捧場。雖然小齊十多日前完成盲腸炎手術，但毫不避忌地又跑又跳，染了一頭銀白頭髮的他說：「多謝醫生同靚姑娘照顧，我已經好番，唔使擔心！」並獲愛兒送花，冧爆的小齊笑說：「這個小朋友好帥，是我的兒子！」
至於「台灣幫」嘉賓黃品源、陳昇、樂隊五月天和魔幻力量輪流上場獻唱，陳昇教小齊擺Chok爆甫士，又抵死地表示怕被誤認是林峯。而五月天炒熱全場氣氛，小齊更扮傷口痛，要五月天留下多唱幾首歌。
小齊半跪掩肚扮作傷口痛，相當搞鬼。
為了證明已經病愈，小齊紮紮跳跑向阿信（右）。
小齊獲囝囝送吻，即時冧暈。
黃品源（左）與小齊合唱，惺惺相惜。