城城遇炸彈恐襲冒死留泰

泰國曼谷市中心前日發生炸彈恐怖襲擊，郭富城和張家輝當時正身處當地，為導演彭順新片開工，爆炸驚魂導致人心惶惶！幸而昨日城城女友熊黛林（Lynn）透露城城已致電報平安，彭順亦表示會加派保安保護兩位演員，若騷亂加劇，劇組將全軍撤退以策萬全！

兩大影帝郭富城和張家輝首結片緣即遇波折！二人日前秘密飛往泰國首都曼谷為彭順新片試造型，豈料前日當地市中心先後發生三宗連環爆炸，釀成五人受傷，目前曼谷市面氣氛緊張，城城和家輝的人身安全備受威脅，令人擔憂！

城城身處險境，最擔心莫過於女友熊黛林（Lynn），幸而她昨日已跟城城電話聯絡，她說：「有同佢通電話，佢知道爆炸事件，知佢個人冇事OK就得啦！」導演彭順昨日接受長途電話訪問時透露，新片主要到馬來西亞取景，前往曼谷只是為了試造型和拍攝宣傳短片，如今當地發生恐襲，他要以兩位演員的安全為大前提，萬一安全受威脅即會返港，或改到馬國拍攝，他說：「都好大壓力！因為兩位演員嘅人身安全喺我手上，我會留意新聞，今次係針對以色列領事館，雖然嗰度根本唔喺拍攝考慮範圍，但始終喺市中心，唔多唔少都會擔心。」

彭順大驚速閃

有多次在泰國拍戲經驗的彭順，過往亦遇上類似政變，當年他與荷里活影星尼古拉斯基治及楊采妮合作，遇上泰國戒嚴，尼古拉斯基治當時更漏夜轉往韓國避難，問到今次可有為演員加重保險？他說：「有諗過，但呢啲保障唔大，人禍冇得保，最好快啲搞掂快啲走！希望平安過渡，部戲順順利利！」