林莉下一站巴黎

明知模特兒這個行業未必有明天，但總有人漏夜趕Ball場，即使發個天橋夢也甘願一試。林莉就是這種人，眼看着一個又一個名模轉型歸故里，仍甘願跳出公仔箱，女人三十做Model，何解？一個港產超模的宏願夠理由吧！

又是想當年，模特兒這個行業曾幾何時在香港十分吃香，八十年代末、九十年代初簡直是百花齊放，琦琦、馬詩慧、楊琤……哪個不是獨當一面？時移勢易，香港進入一個混沌的快閃年代，就算沒有五呎高，只要肯拋肯露都可以做模，賺個快錢拍拍屁股就走人。不幸地，林莉就是在模崛起時轉型做模特兒，還有許多更慘烈的事，譬如被誤解跟模爭飯食。

沒錯，林莉從港姐做到藝人，起碼有師奶姨媽姑姐識你，Keep住知名度，大抵輸不到哪裏？為何女人三十才跳上一條不歸的天橋？她說：「其實做電視台冇話唔好，當年好評如潮嘅《向世界出發》，第一個就搵我做，係做得開心，但我講嘢又唔叻，一直未Ready好做演藝工作，漸漸感到迷失，成個人好忐忑，個心十五十六咁，唔知做唔做落去好。後來簽新公司，先知道自己最大興趣唔係做戲，而係做Model！」

無悔轉型

經過專業訓練，林莉學懂天橋上的知識，也懂談吐的禮儀，加上穿上高跟鞋後身高六呎一，內外兼備的她一心大展拳腳。大多數人都知入行Timing好重要，在磨拳擦掌熱好身之際，模橫「胸」降世，推翻模特兒的標準。但林莉絕不後悔：「點解要後悔？搵到一份喜歡嘅工，喺天橋上搵番自己，開心都嚟唔切。冇需要同模爭飯食，因為界別唔同，我哋冇需要比較！」

林莉知道世上只有兩類人，就是有餡及沒有餡，沒有餡的形於外很快消失，有餡的形於內才Last得長久，她一語道破彼此的分別，再寄語模要終身學習：「以我為例，到依家都仲跟殿堂級模特兒前輩學行天橋，我啲朋友知道後都O咗嘴，但講真，我知道自己有好多進步空間，依家仲跟張達明學戲，要令自己內心更豐富，其實人係學無止境。我覺得少女模特兒要豐富自己內心先，好過只係識得除衫畀人影，一定要增值自己，努力做好各方面。」

人最怕貨比貨，邊個高貴，邊個低俗，明眼人一看便知龍與鳳，林莉難得置身污泥而不染，要做一個專業模特兒殊非易事，至少她已做到代表香港，到韓國Asia Star Model Award領獎，與中國、台灣、日本及韓國名模爭一日長短。下一步是甚麼？看來是要進身歐洲當超模，她說：「真係好想香港模特兒界重拾昔日光輝，依家我哋仲要面對內地模特兒挑戰，真係非常嚴峻！作為香港人，真係好想話畀人知我哋一樣專業。我係有一個貪心嘅夢想，希望有一日可以代表香港到巴黎、意大利行騷！」

恨結婚生仔

然而，林莉夢想又豈止一個？有一個夢想，普天下的女性都希望擁有，傳統思想深入骨髓的她打算拚搏多幾年就結婚生仔：「我喺一個潮州家庭長大，細細個爹哋媽咪就好傳統，結婚先生仔呢個概念一直印喺我心，依家我只想忙完呢幾年後，同一個我鍾意嘅人結婚生仔，組織一個小家庭！」就只有這個小願望，相信上天是會憐憫世人。

後記：

林莉是一個害羞的人，說話陰聲細氣，有時真不明白她在天橋上何以如此大膽。小記笑她連「小強」都怕，但身為主題公園代言人的她卻說：「至少我唔怕坐過山車，因為我搭好多次就唔驚喇！」那麼，是否代表見得小強多，便不怕小強？