周柏豪日本尋二手寶
潮人周柏豪早前到日本東京三日兩夜拍攝旅遊特輯，雖然每日工作十多小時，但他不忘抽空品嘗至愛拉麵：「今次買嘢唔多，每日開工都好似玩咁，加上大會安排周到，心態上好似去緊旅行，最開心係食咗兩次拉麵！」問到去了哪裏「潮聖」，他說：「只係去咗裏原宿，每晚收工都唔願瞓，周圍搵地方玩，打保齡同夾公仔。（唔攰？）攰得嚟開心！」他希望每年都能到東京一次：「喺度搵到好多二手靚嘢，喺香港搵唔到。」他大無畏地表示無懼輻射問題：「冇擔心呢樣嘢，我覺得日本人精神好好，唔覺得佢哋受到好大傷害，仲好積極歡迎遊客。」
