大聖劈掛門昨晚舉行記者會，陳秀中宣布逐徒弟陳觀泰出師門，原因與敖嘉年曾跟冼灝英習武，但其後卻拜其師兄陳觀泰為師一事有關，陳秀中說：「佢為咗收個o靚仔而要求退出師門，唔識尊師重道。佢喺電視節目度唔承認學過大聖劈掛，話自己學南拳，係瞪大眼講大話。」冼灝英說：「大家都睇到陳觀泰份人，佢上節目話耍嘅係南拳，師傅睇到都好唔高興。」而敖嘉年接受電話訪問時說：「冇聽聞過，拜師傅都冇提過。就算佢被逐出師門都係我師傅。」陳觀泰截稿前仍未聯絡上。
敖嘉年（右）因拜陳觀泰為師而鬧出不少風波。（資料圖片）
冼灝英（左）與師傅陳秀中都認為陳觀泰不尊師重道。
