明哥仆住親親彭羚

婚後被林海峰「私有化」的彭羚，前晚再踏紅館舞台，為黃偉文作品展開金口，與她合唱的容祖兒笑言感覺像發夢，而黃耀明更因急於一睹她的風采而仆傷！

黃偉文（Wyman）一連6場紅館騷前晚揭開序幕，除大面子邀得「久休」的彭羚演出外，其他嘉賓還有容祖兒、腳傷未愈的陳奕迅、何韻詩、薛凱琪、傅珮嘉及李蕙敏等，台上台下群星拱照！

老公台下打氣

相隔多年再開金口的彭羚，獲老公林海峰帶同大女捧場，她分別與容祖兒及黃耀明合唱《心淡》與《漩渦》，掀起整晚高潮。明哥更在微博自爆為一睹「羚祖」對唱而在台後跌倒，雖然損手爛腳，但仍大叫值得！「羚音」破禁而出，不少歌迷冒險偷拍並即時上載至網站分享，大批歌迷趁機重溫彭羚舊作，令其MV點擊率急升，網上掀起一片「彭羚熱」！

戀「飯腳」睇緣分

完騷後，眾人在後台慶祝，祖兒與好友何韻詩搭膊有傾有講。談及與「才俊」及導演Heison的緋聞，祖兒笑言晒頭：「明明過年屋企擺蘭花，真係久逢甘露，第一嗰位我唔識，另外嗰個係朋友、飯腳。（做你司機？）車係代步，我懶得揸啫！（發展機會？）睇緣分」對於被指與阿詩減少聯絡，她說：「當故事咁睇，我哋都好厚面皮，唔會有咩避忌。」談及演唱《破相》時失準，她大方說：「嗰刻好激動，都走得好完美呀！喺聲音上表達『破相』，當係送畀大家嘅禮物。」對於與彭羚破天荒合唱，她直言感覺如做夢，回想最後一次見到對方已是十多年前，更只能一睹對方的「後尾枕」！

至於阿詩昨日綵排舞台劇時，大方與緋聞女主角路嘉欣笑着合照，談及與祖兒的報道，她形容全是幻想：「大家要Keep住『分手』呢個設定，唔好兩星期又話生仔。」她還恭喜祖兒有新緋聞：「成日話佢多人追，其實我都有好多，希望今次可以甩我啦！」