舒淇聞戀王力宏扮傻
舒淇參與的新片《愛Love》以入圍單元競賽身份亮相柏林電影節，昨晚她率先與片中演員趙又廷、導演鈕承澤亮相香港首映，同場還有吳彥祖及舒淇的過氣緋聞男友馮德倫。
與王力宏的緋聞近日鬧得熱烘烘的舒淇，甫到場即有人連番恭喜，不過她卻裝傻，並以提名金像獎影后作擋箭牌，問到是否與王力宏相戀？舒淇撒嬌說：「幾時有呀？唔好用呢啲宣傳，呢單新聞都成個星期之前，大家係朋友，緋聞十年前講到依家，如果有轉機都晨早轉啦！（想唔想拍拖？）冇話渴唔渴望，同男人拍咁多感情戲，唔會似冇拍過拖啦！（戲入面鍾意邊個男主角？）個個都有唔同，小天嗰段就似Puppy Love，其實轟烈同刻骨銘心嘅愛都試過，所以覺得平凡是美。」
舒淇不諱言入圍金像獎已當得獎，面對四料影后葉德嫻，若然她跑出可算是爆冷，舒淇聞言即扁嘴說：「吓？爆冷就唔係我，好慘呀你咁講，影帝我就睇好劉青雲。」
吳彥祖（左起）、舒淇、鈕承澤、馮德倫和趙又廷，齊齊出席新片首映。