Phoebe拋胸闖樂壇邊唱邊拉開衫
胸模許穎（Phoebe）、歌手張繼聰、羽翹、組合糖兄妹及農夫等前晚於大埔林村出席活動，首次以歌手身份示人的Phoebe，獻唱包辦作曲的新歌《倒數》，並延續性感風格，在台上表演時更拉開外衣，露出內裏的比堅尼Top，其34D的上圍令觀眾嘩聲四起！Phoebe計劃今年出碟闖樂壇，正火速灌錄新歌：「我會同時兼顧模特兒及打碟工作，去年本寫真大受歡迎，新嗰本有望暑假面世！」
至於組合農夫亦獻唱新歌，成員陸永透露下月推出新碟兼榮升爸爸：「我已經準備好迎接小生命！太太懷孕期間，我仲學識控制自己嘅情緒，同埋遷就另一半，令我終生受用！」他決定屆時入產房陪太太分娩打氣。
許穎好好哋唱歌都要拋胸，看來唔熱得！
糖兄負責彈結他，糖妹自然是畀宅男睇啦！
張繼聰表示正灌錄新碟，甚有壓力。