婷婷Andy互通手機密碼
謝婷婷與男友安志杰（Andy）昨日情侶檔出席情人節活動，奉旨在台上黐到實，錫面又拖手，Andy還冧爆指婷婷是他最愛的人，婷婷則回禮讚男友很香，認真癡纏！提到情人節，婷婷表示平日已盡量爭取時間拍拖及互送禮物，不會在節日才特別慶祝。
雖然Andy經常到外地拍戲，但婷婷對他絕對信任：「我知道佢嘅電話密碼，不過唔會Check佢手機！（會唔會用佢個微博？）唔會，大家獨立用，係用嚟同影迷交流！（有傳你哋情侶出騷價要20萬？）呢啲公司傾！可以同佢一齊做嘢，我覺得特別開心！」另外，霆鋒自爆囝囝Lucas想父母復合，婷婷覺得最重要是小朋友開心，但不會過問哥哥的事。
安志杰錫錫婷婷，認真Sweet！
安志杰與謝婷婷雙雙出席活動，寓工作於拍拖。