周曉彤甜心靚女爭寵
五人女子跳唱組合MVG成員周曉彤（Ivy）愛狗如命，她飼養了兩隻雌性的迷你貴婦狗，分別是四歲大的Süsse和三個月大的Bella，Ivy說：「Süsse嘅德文意思係『甜心』，而Bella嘅意大利文意思係『靚女』！」問到兩隻愛犬會否爭寵，Ivy笑說：「會o架！Bella一見到我抱住Süsse就會狂吠投訴！」
另外，Ivy透露Süsse的行為竟然似人多過狗：「Süsse本身怕狗，當Bella追住佢想同佢玩嘅時候，佢會嚇到逃走！」Ivy又讚Süsse非常懂得討人歡心：「Süsse成日會捐入我被竇同我一齊瞓！又會企喺門口等我返屋企！」雖然Süsse非常精靈，但原來牠曾差點走入鬼門關，Ivy說：「佢曾經發狗瘟，我當時停工兩個月照顧佢，好彩佢最後都好番！」Ivy提醒大家飼養寵物是一生一世的承諾，購買前最好「停一停、諗一諗」！
Ivy抱着Süsse（左）與Bella，兩個「囝囝」冇投訴啦！
Süsse曾往鬼門關走了一轉。
Bella見到Ivy抱Süsse就會呷醋。
