MC Jin入產房迎慈姑椗

歌手歐陽靖(MC Jin)前晚與鄭欣宜及羽翹等出席活動時,宣布即將做老竇,令薛家燕開心大叫,更肉緊送抱!他透露太太懷慈姑椗,問到是否一擊即中,他說:「唔好咁講,感謝主嘅安排。(有咗幾個月?)太太6月生,一直都想同大家講,但太太怕BB小器,今次講都要佢批准。」並表示太太計劃於紐約分娩:「到時我會飛過去陪佢幾個月。(入產房?)問咗好多朋友意見,都會入,囝囝中文名由長輩改。做咗爸爸之後,好有推動力勤力工作!」而欣宜則透露外籍男友Mark Ryan曾陪她向父親鄭少秋拜年,但只懂說「快高長大」,她笑說:「幾可愛吖!」

羽翹戴上應節的公仔頭套,充滿童真!

即將做老竇的MC Jin,笑到見牙唔見眼。

欣宜自嘲欠缺天分,未能在麻雀枱發新年財。