千嬅自爆叫「索子」九成食得出

向來被傳不和的黎明(Leon)及楊千嬅,前晚齊齊出席活動,不單前後腳現身,被安排坐主家席時更零交流,大合照亦各據一方!近日被指太太樂基兒有喜及美國買豪宅的Leon,開席前主動行近記者說:「我有兩個問題可以講,第一樂基兒冇BB,新年我唔講大話嘅!第二係嗰間屋的確買咗,係咁多喇!新年進步!」

至於千嬅挺着五個月巨肚到場,適逢38歲生日,獲大會送蛋糕慶祝。千嬅透露佗BB重了14、15磅:「依家都未照清楚,但好大機會係仔嚟嘅。」當問到有否「升Cup」時,老公丁子高即插嘴:「梗係有!」他還指送了一份特別「禮物」給老婆:「可以擺足成年喎!」話題愈來愈三級,難怪千嬅說:「你食咗誠實豆沙包呀?」

談到與Leon零交流,千嬅昨日透過電話回應:「大合照個個都Mark晒位o架!我都有同佢講恭喜發財,老公仲搵佢影合照!」

楊千嬅席上頻頻出手護肚,以防萬一。

千嬅老公丁子高(右)與黎明合照證冇不和。