畢佬喜上加喜安祖蓮娜傳佗孖B

荷里活型男畢彼特近期喜事多多！繼憑《魔球》提名奧斯卡影帝及有意與安祖蓮娜祖莉結婚後，現更傳安祖蓮娜再懷有孖胎！

畢彼特（畢佬）與安祖蓮娜拍拖7年，至今育有6名仔女，包括3名親生骨肉舒蘆洛華、諾克斯及慧雲，以及3名養子女麥杜斯、柏斯及莎夏娜，名副其實「聯合國」大家庭！不過，「畢安」依然未夠喉，最近《OK！》爆出安祖蓮娜再度懷孕，今次同樣懷有雙胞胎，而且是一對孖仔，有指她照超聲波時聽到兩個心跳聲，感到相當興奮！畢佬亦喜出望外，認為是上天的安排！

有內幕人士爆料：「佢哋仲掙扎緊係咪要保守秘密，不過已將喜訊通知咗親友！至於6名仔女方面，暫時只係話咗畀最大嘅麥杜斯聽，其他仔女就遲啲先宣布，費事佢哋興奮忘形！」有指「畢安」打算今次在美國分娩，希望屆時雙親能分享喜悅。而現時安祖蓮娜再有喜，相信婚期亦不遠！

佐治古尼認偷食

另一方面，憑《魔球》提名奧斯卡最佳男配角的Jonah Hill早前受訪時說：「我能夠成功減磅，並唔係因為畢佬鼓勵，而係靠營養師同埋食日本菜，我希望藉住減磅能夠接啲較成熟嘅角色！」至於畢佬老友佐治古尼早前上節目《Inside》時公開8歲的照片，更搞笑直認曾偷食！