婷婷自爆「波靚」迷倒安志杰

謝婷婷早前接受ontv獨家專訪，出身於演藝世家的她披露感情生活，以及家人鮮為人知的一面，例如哥哥霆鋒如何不修邊幅，媽咪如何是一位「絕世好奶奶」！

謝婷婷經常與男友安志杰（Andy）出雙入對，恩愛示人，她今次向ontv獨家披露相識過程，她說：「當年係佢暗戀我先，有晚我喺一間有份投資嘅Bar打桌球，當時係Andy主動埋嚟同我Say Hi。」問到有何吸引Andy之處？她說：「佢話我篤波好靚，諗番第一眼見佢，佢真係好靚仔！」

拉姑當栢芝女咁錫

出身於演藝世家的婷婷，哥哥是萬人迷謝霆鋒，但她卻向ontv玩踢爆：「你知唔知哥哥其實好污糟！哈哈！有時知哥哥冇沖涼洗頭，但望落去又唔污糟，又唔會有臭味！」

對於外界經常傳媽媽狄波拉與前阿嫂張栢芝時有婆媳糾紛，婷婷說：「外界經常以負面角度寫媽咪同栢芝嘅關係，令媽咪受到好多批評，我想講媽咪係『The Best奶奶In The World』！媽咪對栢芝真係好似親生女一樣！無論去食乜都好，媽咪都會打畀栢芝問佢想食乜，又會拎最好嘅湯畀佢！」

另外，原來婷婷待爸爸謝賢如情人一樣，若想知道婷婷與家人更多鮮為人知的一面，立刻Click入ontv去片啦！