陳庭欣浸冰鎮花瓣浴凍僵
前港姐陳庭欣（Toby）日前到天津拍攝介紹雪地馬球的節目，於寒冬中「大解放」穿上三點式，又浸花瓣浴，其實她有苦自己知，她說：「酒店工作人員好熱情，一早幫我哋放好水，不過到正式拍攝時啲水凍晒，好彩我唔使講對白，唔係就凍到口震！」她還在旅程中遇上「白馬王子」：「佢哋好乖o架，會喺拍攝時伸個頭出嚟，係最佳『茄喱啡』！」她又特地於旅程的最後一天，到當地的名勝拍攝：「我企喺結咗冰嘅湖上面，又興奮又驚！當地人會喺冰上面鑿個窿嚟釣魚，我真係驚啲冰會裂開！但個感覺都幾特別。」
穿上三點式的陳庭欣自覺比選美時胖了不少。
浸花瓣浴的陳庭欣看似享受，其實凍到震。
為配襯雪地馬球這項貴族運動，陳庭欣以高貴打扮示人。