少爺占潮店休業等買舖
AKB48的銅鑼灣資料館因難頂貴租而搬竇，同病相憐的還有DJ少爺占！在銅鑼灣開設潮服店的他，每月租金高達6位數字，故租約期滿後便不打算續約，因生意難做，難以「為皮」！昨日他在汽車活動上說：「我想喺尖沙咀搵舖，或者等個市回落再買舖，咁就會好做好多！最衰我08年買咗樓冇買舖，如果大家有好舖，價錢好就聯絡我啦！」
同樣被迫遷的還有梁思浩的銅鑼灣糖水店，但原因卻是生意太好，認真諷刺！他說：「遲啲會搬去舊舖嘅下一條街，同業主傾咗合約，初步達成協議。」其拍檔之一的聰哥則說：「之前間舖太細，客人都逼，所以業主安排一個大啲嘅舖位畀我哋。」
少爺占嘆租金高昂致生意難做，希望買舖免後顧之憂。
梁思浩的糖水店因生意太好而被迫遷。