志偉搵剋星K.O.子丹

曾志偉於電影團拜上四處辣火頭，票房再度贏黃百鳴的他，先擺馮淬帆上枱，借以「宇宙剋星」題字暗窒甄子丹，再指高志森的笑料落後。

曾志偉新片《2012我愛HK喜上加囍》票房至今逾千五萬元，連續第三年以邵氏片擊敗對手黃百鳴。前晚他與演員馮淬帆（阿緊）、黃宗澤及毛舜筠等出席團拜，即席題字「宇宙剋星」，借阿緊揶揄拍黃百鳴電影的甄子丹，笑指「一個已經搞掂佢」，又對阿緊說：「依家你片酬過千萬啦！開《葉問4》畀你！」令他尷尬笑說要急搭飛機返台灣：「好驚，記得寫唔係我講！（勁過子丹？知佢係邊個？）答唔知咪仲死！」志偉仍不收口：「你拍戲時佢都唔知喺邊？以後開戲搵馮淬帆打甄子丹！」對此，子丹發言人說：「子丹唔嬲，志偉玩吓啫！」而日前高志森指現時賀歲片看不入眼，志偉回敬說：「佢就算拍都落後！」

拉隊「告別」UA時代

至昨晚，《喜》片演員高海寧及麥長青等於UA時代戲院謝票，適逢戲院最後一日於原址營業，志偉亦特別撐場，對有名店付貴租而將戲院「逼」上12樓，他說：「香港繁榮啫！」又踢爆高海寧的初戀發生在此，她更正：「其中一段感情咋！」