霆鋒買餸煮飯約栢芝團年

傳與張栢芝復合的謝霆鋒，昨日與媽咪狄波拉買餸煮飯，並直認與栢芝食團年飯及開年飯，談及復合機會，他更改口風說：「冇話否定！點都係為咗對小朋友。」

去年宣布離婚的謝霆鋒與張栢芝，最近為了兩個寶貝仔Lucas與Quintus而頻頻見面，一家四口溫馨重現，關係亦大為改善。心情靚爆的霆鋒，昨日更一改Cool爆作風，主動約媽咪拉姑買餸，做個住家好男人！

昨午3時多，霆鋒到中環一間超市會合拉姑，兩母子齊齊揀蔬菜，期間有傾有講，買完菜又買肉，見霆鋒指手畫腳，看來意見多多，更主動幫手推購物車，非常孝順！未幾，二人已買下兩大籃戰利品，當排隊付款時，不少途人認出霆鋒，並上前要求合照，而他亦來者不拒，非常友善。

四哥讚好味

離開時，霆鋒與拉姑發現記者，即禮貌地講「新年快樂」，拉姑更主動表示霆鋒最近愛上烹飪。問到有否與栢芝食團年飯及開年飯，霆鋒大方說：「有，一齊食。（關係幾好？）飯成日都要食啦！（同栢芝點？係咪搞緊離婚？）仲搞緊。（有冇機會復合？）唔好講呢啲嘢啦！（係咪完全否定呢個機會？）冇否定，我之前都講過，點都係為兩個小朋友。」說罷即與媽咪登車，返家玩煮飯仔。

記者致電四哥謝賢，他坦言霆鋒愛上煮食，更揚言要轉行做廚師，問到乖仔手勢如何，他說：「煮得幾好食o架！好明顯我嘅反面教材做得好好啦！佢得閒就煮，仲會煮畀一班兄弟食，成十幾人，多到不得了，佢都幾好，又唔怕煩。（孫仔有冇幫手？）佢哋嚟玩啫！不過冇搗亂。（拉姑覺得點？）梗係開心啦！（栢芝有冇食？）飯局冇見過佢喎！」