白健恩騷肌「裸」彩

前港男白健恩（小白）最近為才女卓韻芝的新節目拍宣傳片毅然半裸上陣，跟同場大隻佬鬥健美！身材較輸蝕的小白出口術，大讚卓韻芝有個性，並預告若雙方再合作，不排除作更性感的演出！

於演藝學院畢業的小白，舞台經驗豐富，加上曾參選香港先生，練得一身「朱古力肌肉」，他日前獲TVB賞識，為才女卓韻芝的新節目拍宣傳片，令他有機會一展舞技及大騷美好身段。除了小白外，宣傳片還邀得一眾肌肉發達的大隻佬演出。眾壯男在片中均須半裸上陣，實行大鬥胸肌及腹肌，令人看得血脈沸騰！而只穿白色棉褲的小白，雖露出六舊腹肌非常養眼，可惜身形略嫌瘦削，難免被同場的大隻佬比下去。

自知身形較輸蝕的小白亦坦言過瘦：「最初要喺電視機前唔着衫，仲要半裸上半身，真係搞到我有啲怕醜！而我本身又係跳現代舞，所以唔會練得太大隻，搞到頭先喺現場，見到一班大隻佬喺我後面，相對地就顯得自己更加瘦削。」

激讚卓韻芝

鬥身材輸蝕，小白惟有出口術挽回劣勢！他坦言欣賞卓韻芝有個性，故甘願為她作藝術上的犧牲：「我好欣賞卓韻芝獨立、忠於自己、有話直說嘅性格！如果再有機會合作，只要從藝術出發，我再性感啲都OK！」期間小白又做出金雞獨立等高難度動作，誓要輸人唔輸陣！