周麗淇「禁食」免丟女警架

周麗淇（Niki）日前為無綫新劇拍攝爆破追逐戲，Niki表示無綫已替她買保險，並試好位確保安全；由於要穿警服拍攝，Niki直言要謹言慎行。

周麗淇與無綫藝員陳志健及陳國峰等，日前在長沙灣拍攝新劇《女警愛作戰》的爆破追逐戲，場口講述Niki及志健執行任務時，與匪徒展開追逐戰，期間匪徒的電單車爆炸，現場火光熊熊，問到拍爆破戲會否擔驚受怕？Niki說：「有啲驚！爆炸戲唔同普通煙火，不過信得過劇組，試晒位好安全先拍，無綫都有幫我哋買保險。」飾演女警的她要佗住十多磅器材，又要追捕歹徒，笑言可當Keep Fit，問到穿警服拍劇是否要小心言行？她說：「都係呀！唔可以亂咁喺街食嘢。」滕麗名和關詠荷曾參演《陀槍師姐》系列，兩人的女警形象深入民心，問到會否擔心比較？Niki說：「冇得比！佢兩個角色係經典角色，自問唔敢比較。」她笑稱與同劇女藝員沒有爆是非：「今次群戲係多，我除咗緋聞外，好少是非。」

恨行桃花運

Niki透露在新年期間休息充電：「冇特別去買桃花應節，現實生活有就得啦！我係講人緣。」同場的陳國峰表示首次拍爆破戲，自稱演技尚待磨練。