兩女之母徐淑敏（Suki）昨日到海港城出席遊戲機活動，問到會否追龍仔？她竟搞Gag笑老公花弗：「唔啦！想抖吓，有朋友話花弗男人就會生女，我老公話唔係喎！如果博到個仔，我就信。」Suki表示之前有友人指她第四胎才是囝囝，但勝在夠孝順、精叻，故她笑言要努力繼續追：「如果第四胎都係女就認命。」
Suki又自爆農曆年因掛住與親友麻雀耍樂，竟忘記封利是給兩位囡囡，認真大頭蝦：「會之後補番，大女有戶口儲起利是錢，細女啲利是暫時入落家姐戶口先。」而她透露發了共四位數新年財。
徐淑敏即席試玩XBOX，展示收身後的成果。
已為兩女之母的徐淑敏派利是，大受歡迎。
